Në shumë vende të botës tashmë është bërë e mundur që sporti i shahut të implementohet në
shkollat fillore dhe tetëvjecare. Ndërsa në disa shtete, ky projekt ka avancuar edhe mëtej, duke
e implementuar sportin e shahut si një lëndë të detyrueshme kurrikulare.
Në Shqipëri, tradicionalisht, loja e shahut është pëlqyer dhe luajtur masivisht. Shah është
luajtur dhe luhet jo vetëm në mënyrë profesionale nëpër klube shahistike, por edhe nëpër
shtëpi, shkolla, universitete, plazhe, parqe qytetesh apo edhe në kafene.
Çka është më e rëndësishme mbetet tërheqja dhe dëshira e trashëgueshme ndër breza
e fëmijëve në moshë të vogël për të mësuar dhe luajtur shah, e shoqëruar kjo në mënyrë
konstante nga interesimi gjithmonë i lartë i prindërve për të afruar fëmijët e tyre pranë sportit
të bukur të shahut.